El Brunch de Gala cellebraráse’l domingu 1 d’ochobre y tará compuestu por varios platos propuestos pal so harmonizaxe coles sidres presentaes, con especial pricuru a aquelles que resultaren ganaores de los Premios SISGA, presentándose un menú especialmente diseñáu pa la ocasión, de tala miente que rescample les propiedaes de ca triba de sidre presente.

Nesta ocasión les propuestes gastronómiques correrán a cargu del reputáu restorán xixonés Finca El Duque, Premiu Nacional de Gastronomía.

Con esti Brunch de Gala ponse de manifiestu cómu la sidre, en cualaquiera de les sos variedaes, marida con toa triba platos d’alta gastronomía, potenciándolos en tolos sos aspeutos y pudiendo ser servíes con sobráu méritu y calidá en cualisquier marcu de gran ellegancia y distinción.