La Tastia Abierta al públicu tendrá llugar el sábadu 28 setiembre nel Palaciu Congresos del Recintu Ferial Luis Adaro de Xixón, n’horariu de 12 a 15 hores y de 17 a 20 hores.

Nesta feria abierta al públicu de les sidres presentaes a esti 14 Salón Internacional de les Sidres de Gala podrán degustase les sidres participantes nel SISGA dimpuestes en stands a tal efeutu -el empar que se recibe información tanto sobro los productos como sobro los llagares-.

Asina mesmo cuntaráse tamién con productos vinculaos bien a l’alta gastronomía, a la sidre propiamente, o col seutor del equipamientu, too ello enartao de tala miente que non solo nun se difumine’l protagonismu de la sidre, sinon que lu dote de visibilidá y dea-y puxu al asitialu nun contestu profesional.

Trátase d’una ocasión única que pemite non solo dagustar la sidre pesentao por llagareros internacionales, sinon tamién charrar con ellos personalmente alrodiu les carauterístiques del so productu, la situación de la sidre nel so país, proyeutos, perspeutives… de tala miente que resulte una esperiencia especialmente arriquecedora pa toles partes.

Preciu la entrada: 10 €