La Tastia Abierta tendrá llugar el sábadu 30 setiembre nel Pabellón de Congresos de la Feria Internacional de Muestres d’Asturies n’horariu de 12 a 15 hores y de 17 a 20 hores, y tien un preciu de 10 €, que pue faese efeutivu nel mesmu

Trátase d’una esposición abierta al públicu de la sidre presentao a esti XIII Salón Internacional de les Sidres de Gala. Na mesma podrán degustase les sidres participantes nel SISGA dimpuestes n’stands a tal efeutu -al mesmu tiempu que se recibe información tantu sobro los productos como sobro los llagares-.

Asina mesmo tamién se cuntará con productos vinculaos bien a l’alta gastronomía, a la sidre propiamente, o col seutor del equipamientu, too ello enartao de tala miente non solo nun difumine’l protagonismu de la sidre, sinon que lu dote de credibilidá y-y dea puxu al asitialu nun contestu profesional distinguíu.

Trátase d’una ocasión única que permite non solo degustar la sidre presentao por llagareros internacionales, sinon tamién charrar cone llos presonalmente alrodiu les carauterístiques del so productu, la situación de la sidre nel so país, proyeutos, perspeutives… de forma que resulte una esperiencia arriqueceora pa toles partes.