SISGA’26Xixón · Asturies

24–27 de setiembre de 2026

Vive'l SISGA dende dientro

Collabora con productores de distintos países, descubre la cultura internacional de la sidra y forma parte del equipu que fai posible'l SISGA’26.

Quiero formar parte del equipu
Públicu y participantes nuna actividá del SISGA

Vive una esperiencia internacional

El voluntariáu permite vivir dende dientro ún de los principales alcuentros internacionales dedicaos a la sidra. Vas poder collaborar con productores y profesionales de distintos países, ayudar a recibir al públicu y contribuyir a que Xixón y Asturies vuelvan convertise nun puntu d'alcuentru de la cultura sidrera mundial. Nun fai falta tener esperiencia previa nin ser especialista en sidra.

Quiero formar parte del equipu

Información destacada

Equipu
Necesítense aproximadamente 14 persones.
Inscripción
Abierta hasta’l 17 de setiembre de 2026.
Turnos
Participación por turnos flexibles; la so duración va acordase individualmente.
Edá
Ye necesario tener 18 años o más.
Mayor necesidá
Sábadu 26, mientres la Cata Abierta al Públicu.
Desplazamientos
Organizaos pa les actividaes de Villaviciosa y Nava.

Estayes de collaboración

Acoyida y atención al públicu

Recepción, acreditaciones, orientación, accesos ya información.

Productores internacionales

Acompañamientu, allugamientu, información práctica ya idiomes.

Actividaes y cates

Sofitu na Cata Abierta, presentaciones, visites, charres y programa profesional.

Comunicación y organización

Fotografía, videu, redes sociales, materiales, señalización y sofitu loxísticu.

Quiero formar parte del equipu

Qué ufierta'l SISGA

  • Información previa y asignación de funciones según el to perfil y disponibilidad.
  • Turnos flexibles acordaos individualmente.
  • Acreditación oficial de voluntariáu SISGA.
  • Material necesario pa facer les tos funciones.
  • Acompañamientu del equipu organizador.
  • Seguru d’accidentes mientres l’actividá.
  • Cobertura parcial de les comíes, según la duración y l’horariu del turnu.
  • Desplazamientos organizaos a Villaviciosa y Nava.
  • Certificáu de collaboración al rematar l’eventu.
  • Contactu con productores, xuraos y profesionales de distintos países.
  • Esperiencia práctica nun eventu cultural y profesional internacional.
Quiero formar parte del equipu

Necesitámoste especialmente’l sábadu 26

La Cata Abierta al Públicu va concentrar la mayor necesidá de collaboración. Puedes participar nuna franxa horaria ensin necesidá de collaborar tolos díes del SISGA.

Disponible’l sábadu 26

Unvia la to solicitú de voluntariáu

Indica los tos datos, disponibilidad y estayes d’interés. La organización va rexistrar la solicitú y contautar contigo p’acordar funciones y turnos.

Entama: Fundación Asturies XXI Ver collaboradores