Participar nel SISGA 2026

PRESENCIAL

Rique la presencia de siquier una persona representante de la empresa.

Inclúi

• Participación nos Premios SISGA nes categoríes escoyíes.
• Allugamientu incluyíu. La participación presencial inclúi dues nueches dʼallugamientu cubiertes pola organización. Pa beneficiase dʼelles, cada participante tendrá que formalizar directamente la reserva col hotel, contactando con Paola nel teléfonu +34 985 199 800 o per corréu electrónicu en comercial@hotelzentralgijon.com.
  
  Quienes quieran allargar la so estancia tendrán que reservar y pagar directamente les nueches adicionales usandoʼl mesmu contautu. Encamentamos facer esta xestión cuanto primero, porque les feches del SISGA coinciden con un periodu de muncha demanda dʼallugamientu. Les nueches adicionales nun tán cubiertes pola organización y cada participante tendrá que contratales y pagales directamente.
  
  Convien tener en cuenta queʼl miércoles 23 de setiembre va celebrase una xornada complementaria previa y el llunes 28 de setiembre una xornada complementaria posterior del SISGAʼ26. Les persones interesaes en participar puen adelantar la so llegada o allargar la so estancia.
• Comíes oficiales de trabayu, posibilidá d'impartir una tastia guiada, espicha d'hermandá y Brunch de Gala pa la persona representante.
• Espaciu y participación na Tastia Abierta al Públicu.

Obligaciones y amueses

• La persona representante tien de participar nel Xuráu Internacional cuando correspuenda y atender l'espaciu mientres la Tastia Abierta.
• Consulta les cantidaes exactes en Amueses riquíes.
• Amás, sidre abondo pa degustación y vienta mientres la Tastia Abierta.

Non incluyíu

El tresporte de les amueses y los gastos, trámites o incidencies d'aduanes, impuestos, aranceles ya importación correspuenden al participante. L'acompañante contrátase aparte por 270 €. Esti preciu inclúi tolos servicios indicaos pa acompañantes, incluida l'asistencia al Brunch de Gala. El preciu de 75 € aplícase namás a quien quiera asistir esclusivamente al Brunch de Gala, ensin contratar la participación completa como acompañante.

NON PRESENCIAL

Nun rique asistir al eventu: la participación formalízase unviando los productos pa la so evaluación.

Amueses y promoción

• Consulta les cantidaes exactes en Amueses riquíes.
• Si s’unvia productu abondo, la organización podrá da-y presencia promocional mientres la Tastia Abierta, ensin garantizar un espaciu atendíu nin l’asistencia del productor.

Plazos y condiciones d'unviada

• Inscripción hasta el 1 de setiembre de 2026 y recepción d'amueses hasta el 7 de setiembre de 2026.
• Les amueses tienen de llegar correchamente identificaes y clasificaes por categoría.
• Tresporte, aduanes, impuestos, aranceles, importación y les sos posibles incidencies son responsabilidá del participante. La organización nun xestiona trámites aduaneros, permisos d'importación nin despachos. La verificación del procedimientu aplicable correspuende tamién al participante.