L'actu de clausura del SISGA’26
El Brunch de Gala forma parte del programa oficial del 16º Salón Internacional de les Sidres de Gala y funciona como actu de clausura del SISGA’26. Axunta a productores, xuráu internacional, representantes institucionales, organización, invitaos y persones venceyaes a la cultura de la sidra.
La propuesta gastronómica ta dirixida pol chef Pedro Duque. Los platos van armonizase con sidres internacionales, combinando cocina de calidá cola diversidá sidrera axuntada nel SISGA.
Durante l'alcuentru va celebrase la entrega de los Premios SISGA’26, na que se van dar a conocer les sidres estremaes pol Xuráu Internacional. L'actu va incluyir tamién les reconocencies y nomamientos d'Embaxadores del SISGA.
El preciu ye de 75 € por persona. Les places son llendaes y ye necesaria la reserva previa.