La sidra entama na pumarada
El miércoles 23 de setiembre, dientro de la xornada complementaria del SISGA’26, va celebrase una visita gratuita a la Finca El Gallinal, una esplotación especializada nel cultivu y estudiu de la manzana de sidra asitiada ente los conceyos de Xixón y Llanera.
La finca cuenta con 40 hectárees de superficie total, 28 d’elles plantaes, alredor de 22.000 pumares y una colección de 45 variedaes. D’elles, 28 tán reconocíes pola Denominación d’Orixe Protexida Sidra d’Asturies y otres 17 son variedaes estranxeres de demostración y estudiu comparativu.
L’actividá va permitir percorrer la pumarada y averase a la diversidá de formes, arumes, sabores y característiques que presenten les distintes manzanes enantes de llegar al llagar.
Como parte central de la visita, va facese una tastia empuesta d’ente 15 y 20 variedaes de manzana. La escoyeta va depender del estáu de la collecha y van escoyese aquelles que tean nel puntu afayadizu de maduración nesa fecha. D’esti mou, cada variedá va poder probase nel momentu nel que meyor espresa les sos cualidaes.
Va ser una oportunidá singular pa comparar directamente distintos tipos de manzana, conocer la so importancia na ellaboración de la sidra y descubrir la riqueza varietal que s’atopa detrás de cada botella.
